Октябрь революциясеннән соң 1918 нче елда Сембер шәһәр комитетының милли эшләр бүлеге каршында татар китапханәсе ачыла. Ул чакта татар җәмәгатьчелеге үтенече буенча ачылган әлеге китапханәдә рус һәм татар телләрендә 400 дән артык китап була. Бүгенге архив документлары буенча укучылар саны да әлләни күп булмый-нибары 387 кеше исәпләнә. Моннан 105 ел элек Сембердә ачылган татар китапханәнең тарихы һәм аның бүгенге эшчәнлеге хакында Ульяновскидагы үз хәбәрчебез Рамис Сафин сөйләр.