11-12 гыйнварда Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Башкортстан Республикасында була.

Биредә Васил Шәйхразыев Башкортстан Республикасының татар иҗтимагый оешмалары җитәкчеләре белән очрашачак. Шулай ук Бөтендөнья татар конгрессы Милли Шура рәисенең  күп профильле полилингваль «Белем» мәктәп-интернат эшчәнлеге белән танышуы көтелә.

12 гыйнварда Бөтендөнья татар конгрессы Милли Шура рәисе Васил Шәйхразыев Ижау шәһәренә эш сәфәре белән бара. Идел буе федераль округының татар иҗтимагый оешмалары активы белән очрашу һәм БТК Башкарма комитетының 2022 елдагы эшенә йомгак ясау, 2023 елга эш планы һәм бурычлар турында фикер алышу планлаштырыла.