Татарстан Республикасы Премьер-министр урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Түбән Новгород өлкәсендә. Милли Шура рәисен җылы каршы алдылар.

Биредә мәчетләргә, муниципаль мәгариф учреждениеләренә бару, Рәшит Ваһапов һәм Хәйдәр Бигичев һәйкәлләренә чәчәкләр салу планлаштырылган. Шулай ук “Шәһидләр каберлеге” мемориаль комплексына һәм “Татар Радиосы Сергач Сергач 91.4 FM” офисы, “Туган як” газетасы редакциясенә бару каралган.