Новосибирск шәһәрендә ачылган яңа Татар мәдәнияте йорты ишегалдында алмагачлар үсәчәк. Бүген яшь үсентеләрне ачылыш тантанасына җыелган кунаклар һәм милләттәшләребез утыртты. Татарстан Премьер-министры урынбасары, Бөтендөнья татар конгрессы Милли Шура рәисе Васил Шәйхразыев агач утырту акциясендә катнашты. Татарлар яшәгән төбәкләрдә яшь алмагачлар утырту хәзер матур гадәткә әйләнде.