28 май көнне Уфадагы Тукай һәйкәле янындагы мәйданда «Гармун уйнатыйк әле!» дип аталган гаилә бәйрәме үтте. Чара Уфа «Нур» татар дәүләт театры һәм Октябрь районы администрациясе берлегендә, «Роксана» радиосының мәгълүмати ярдәме белән оештырылды.
Бәйрәмдә яшь гармунчылар, биючеләр һәм җырчылар катнашты. Аларның чыгышлары киләчәк буында да гореф‑гадәтләребез, телебез һәм моңыбыз сакланачак дигән өметне ныгытты!
Чара Россиядә Халыклар бердәмлеге елына, Башкортстан Республикасында зур һәм тату гаилә елына һәм Халыкара балаларны яклау көненә багышланды.
Бәйрәмнең уңышлы үтүенә «Роксана» радиосы алып баручылары — Рөстәм Хәсәнов, Айгөл Фәтхетдинова, Эльвира Шакирова, Рузилә Байкова — һәм «Нур» театры хезмәткәрләре зур өлеш кертте.
