24 май көнне Д.Д. Шостакович исемендәге филармониянең кечкенә залында Муса Җәлилнең тууына 120 ел булуга багышлап үткәрелгән «Шагыйрь һәм музыка» исемле V Бөтенроссия музыкаль-шигърият фестивале лауреатларының гала концерты булды.

Фестиваль Президент мәдәният инициативалары фонды ярдәмендә үткәрелде.

Сәхнәдә Санкт-Петербург, Мәскәү, Казан, Вологда, Белгород һәм башка шәһәрләрдән килгән яшь талантлар чыгыш ясады. М. Җәлилнең, Д. Самойловның, О. Берггольцның, А. Твардовскийның шигырьләре Г. Свиридов, С. Рахманинов, К. Сен-Санс һәм Ф. Шопенның көйләре белән бергә башкарылды.