Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Төмән шәһәрендәге «Яңарыш» газетасы редакциясе белән танышты.
Төмән өлкәсе татарларының иҗтимагый газетасы 1990 елның 15 сентябрендә нәшер ителә башлый. Газетада 30 елдан артык Тубыл, Вагай, Яркәү, Аромаш, Исәт, Төмән, һәм башка районнарда яшәүче татарлар турында хәбәрләр бастырыла. Хәзерге вакытта газетаны гамәлгә куючы – Төмән өлкәсенең мәгълүмат сәясәте Департаменты.
