Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев Курган өлкәсе Йолдыз авылында. Биредә ул мәктәп укучыларын һәм укытучыларын якынлашып килүче Яңа ел бәйрәме белән котлады.

Милли Шура рәисе мәктәп укучыларына бүләкләр тапшырды. Шулай ук балаларны Курган өлкәсе Губернаторы урынбасары Константин Ермаков котлады.

Укучылар, үз чиратларында, мәктәп кунаклары өчен иҗади бүләкләр әзерләделәр: шигырьләр сөйләделәр һәм җырлар җырладылар.