Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыевның Пермь краена эш сәфәре дәвам итә.

Бүген Милли Шура рәисе Пермь шәһәренең Җәмигъ мәчете төзелеше белән танышты. Җәмигъ мәчетен төзү өчен җир Пермь крае мөселманнары Диния нәзарәтенә инде 20 ел элек бирелгән иде. 2019 нчы елда гыйбадәт йортын төзү эшләре башланды. Төзелеп килүче мәчеттә инде бүгенге көндә Җомга һәм Тәравих намазлары укыла.