25 нче февральдә Татарстан Премьер-министры урынбасары, Бөтендөнья татар конгрессының Милли Шура рәисе Васил Габтелгаяз улы Шәйхразыев Курган өлкәсендә очрашулар уздырачак. Көн тәртибендә өлкә губернаторы Вадим Шумков, шулай ук Курган шәһәре башлыгы Елена Ситникова  белән рәсми чара каралган.

Милли Шура рәисе Курган өлкәсендә Урал федераль округындагы татар иҗтимагый оешмалары җитәкчеләре белән утырыш уздыра. Анда 2022 нче елга эш планы каралачак.