Чувашстанда бик күп татар мәдәни проектларына нигез салган, данлыклы “Мишәр” фольклор-эстрада ансамблен оештырган, Татарстанның һәм Чувашстанның атказанган мәдәният хезмәткәре узган ел вафат булган Фәрит Гыйбатдинов истәлегенә багышлап чираттагы “Гыйбатдинов укулары” узды. Бу көнне аның туган авылы Урмайдагы “Кара пулат” мәчетенә Түбән Новгород, Ульяновск, Мәскәү, Йошкар Ола шәһәрләреннән дистәләгән кунак җыелды. Анда яңгыраган кайбер фикерләрне безнең хәбәрчебез Рамис Сафин да тыңлап кайтты.