Агымдагы ел Татарстанда «Туган телләр һәм халыклар бердәмлеге елы” кысаларында күп милләтле республикабызның шәһәр һәм авылларында атна саен дистәләгән чара-фестиваль, конкурслар, иҗат бәйгеләре, һәртөрле очрашулар, фольклор бәйрәмнәре узып тора. Аларның географиясе һәм темасы төрле булган кебек уздыру форматы, катнашучыларның милләте дә бик күп төрле. Кайбыч районында узган “Кич утыру” фолькор бәйрәме шуның ачык мисалы. Ике йөздән артык үзешчән сәнгать остасы катнашкан республика бәйрәменең күркәм мизгелләре Рамис Сафин репортажында.