Казанда татар теле һәм әдәбияты укытучыларының дүрт елга бер уза торган Бөтенроссия съезды тәмамланды. Аның эшендә Татарстанның дәүләт киңәшчесе Минтимер Шәймиевнең һәм Татарстан президенты Рөстәм Миннехановның катнашуы ана телен саклау, үстерү мәсьәләсенең нинди югарылыкта булуы хакында сөйли. Өч көн дәвам иткән әлеге мәртәбәле җыенда Татарстаннан һәм илебезнең 26 төбәгеннән 423 делегат катнашты.