Рөстәм Миңнеханов бу ялларда безнең Республика һәм Киров өлкәсе белән чикләрне билгеләү турындагы килешүне имзалады. Мондый документ 7 төбәк белән төзелгән иде инде. Киров өлкәсе – сигезенчесе. Татарстанны әлеге төбәк белән дистә еллар дәвамында дустанә һәм эшлекле мөнәсәбәтләр бәйли. Киров өлкәсендә 36 меңнән артык татар көн күрә. Бу ялларда монда иң халыкчан бәйрәм – Сабан туен үткәрделәр.