Төркиянең Искешәһәр мәриясе делегациясе эш сәфәре белән Казанга килделәр. Cәфәр кысаларында делегация Бөтендөнья татар конгрессы белән танышты.

Биредә кунакларны Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев исеменнән Бөтендөнья татар конгрессы Башкарма комитеты җитәкчесенең беренче урынбасары, Россия Федерациясе төбәкләрендәге татар иҗтимагый оешмалары белән эшләү комитеты җитәкчесе Марс Тукаев сәламләде. Марс Тукаев Төркия делегациясен Бөтендөнья татар конгрессы тарихы һәм эшчәнлеге белән таныштырды.

1990 елдан алып Казан һәм Искешәһәр тугандаш шәһәрләр булып исәпләнә. Искешәһәрдә милли гореф-гадәтләрен һәм телен саклап калган милләттәшләребез яши.