90нчы елларда милли күтәрелеш чорының җимеше буларак, Мәскәүдә татар мәктәбе ачыла. Башкалада яшәүче милләттәшләребез аны булдыруны сорап, Татарстанның беренче Президенты Минтимер Шәймиевкә мөрәҗәгать иткән була. Белем йорты аның ярдәме белән 97нче елда эшли башлый. Аңарчы Мәскәүдә татарчаны якшәмбе мәктәбендә генә укыганнар. Ул чакта туган телне өйрәнүгә ихтыяҗның никадәр зур булуын шуннан чамаларга була.