Республикабызда гына түгел, илебезнең кан-кардәшләребез яши торган байтак төбәкләрендә дә борынгы Болгар дәүләтендә Ислам динен кабул итүгә 1100 ел тулуга багышланган чаралар уздыру дәвам итә. Аларда сүз динебезнең тарихы, аның төрле чордагы үсеше, яисә сакланышы хакында гына түгел, ә халкыбызның һәм шәхесләребезнең язмышы турында да бара. Шундый мәртәбәле зур фәнни җыен Идел буе төбәкләреннән килгән галимнәр, дин белгечләре һәм мөфтиләр катнашында Пенза шәһәрендә узды.