2014 нче елда берничә татар егете үзара сөйләшеп киңәшәләр дә Ульяновск өлкәсе мөфтияте каршында «Сәдака» дигән хәйрия Фонды оештыралар. Фондның төп максаты- караучысы булмаган ялгыз картларга, инвалид балаларга һәм авыр хәлдә калган мохтаҗларга ярдәм итү. Узган вакыт аралыгында “Сәдака” йөзләгән кешегә ярдәм кулы суза, балалар һәм картлар йортларына булыша. Фонд әлеге изге эшләргә узган ел гына да 4 миллион сумга якын акча тота. Сембер эшмәкәр егетләренең изге гамәлләре һәм “Сәдака”ның эшчәнлеге хакында Рамис Сафин.