Тәэминә Биктимерова – танылган галимә, татар хатын-кызлары хәрәкәтен өйрәнгән шәхес. Бу көннәрдә ул үзенең 80 яшьлек юбилеен бәйрәм итә. Ару- талуны белми, бик күп еллар дәвамында Тәэминә ханым тарих эзләрен, танылган гүзәл затларыбызны барлый, аларның исемнәрен кайтара. Ул конгресс оешкан көннәрдә, аның эшчәнлеген җәелдерү өчен дә чын күңелдән тырышып йөргән милләтпәрвәр.

Тәэминә Биктимерова “Дөнья” студиясендә кунакта булып, үзенең кызыклы язмышы, фәнни хезмәтләре хакында уртаклашты. Тәэминә ханымны чын күңелдән юбилее белән котлыйбыз. Саулык, озын гомер телибез, татар халкының тарихын баетудагы хезмәтләре өчен зур рәхмәтебезне җиткерәбез.