Төмән өлкәсе, ХМАО-Югра һәм ЯНАО татар һәм мөселман лидерлары дин кардәшләребезне Корбан бәйрәме белән котлый. Бәйрәм уңаеннан изге теләкләрен Бөтендөнья татар конгрессының Төмән өлкәсендәге вәкиле Ринат Насыйров, Нижневартовск татар милли-мәдәни автономиясе рәисе Рафаэль Мөхәммәтҗанов, ХМАО-Югра мөселманнары Диния нәзарәте рәисе Таһир хәзрәт Саматов, Россия мөселманнарының Үзәк Диния нәзарәте Ямал-Ненец автономияле округы мөселманнарының Региональ Диния нәзарәте мөфтие Хәйдәр хәзрәт Хафизов,  “ЯНАО татар һәм башкорт иҗтимагый берләшмәләре ассоциациясе” төбәк иҗтимагый оешмасы рәисе Илдус Резяпов җиткерделәр.