Алар сарык, эт һәм дөя йоныннан бер елга 500 пардан артык итек басалар, һәртөрле авырулардан саклаучы һәм дәвалаучы бил каешлары, корсетлар, кан басымын җайлаучы беләзекләр тегәләр. Сүзебез Ульяновск өлкәсенең Чынлы эшчеләр бистәсендә гомер итүче Юнысовлар гаиләсе турында бара. Алтмыш сигез яшьлек Фатыйх ага үзе һөнәре буенча инженер –механик, хатыны Надия апа шәфкать туташы. Моннан ун ел элек Фатыйх ага лаеклы ялга чыккач, балачакта бабасыннан күреп калган кәсепне яңартырга уйлый һәм эшкә керешә. Борынгы һөнәрнең заманча чагылышын Сембердәге үз хәбәрчебез Рамис Сафин күреп кайтты.