Алар дистә еллар буе ташландык хәлдә яткан балалар бакчасын һәм аның янәшәсендәге уен һәм спорт мәйданчыкларын рәсмиләштереп Ислам мәдәни үзәге ачуга ирешәләр. Бүген биредә мәчет, татар көнкүреше музее һәм ашханә эшләп тора. Сүзебез Ульяновск шәһәрендәге “Татар утары”исемле яңа милли-мәдәни комплекс хакында бара. Узган атнада монда “Күңелле остаханә” дип аталган яңа форматтагы күркәм кичә булды. Аның кайбер матур мизгелләре бу төбәктә эшләүче хәбәрчебез Рамис Сафин репортажында.