Әби-бабайларыбыз, әти-әниләребезнең сөйләве буенча, “Гашура бәйрәме”, “Гашура боткасы” дигән төшенчәләр әле күпләребезнең хәтерендә сакланадыр. Гашура бәйрәме мөселман календаре буенча мөхәррәм аеның унынчы көнендә уздырыла. Бу бәйрәм уңаеннан туганнар, дуслар катнашында аш мәҗлесләре уздырылган, аңа гына хас булган ризыклар пешерелгән, ә кайберәүләр ике көн ураза да тоткан… Ульяновск шәһәренең үзәк мәчетендә әлеге бәйрәмне кабат кайтару һәм аның үзенчәлекләрен халыкка өйрәтүне күздә тотып борынгы Гашура бәйрәмен уздырдылар. Аның турында тулырак Рамис Сафин бәян итәр.