Ул үзенең кыска гына гомере эчендә һәрчак кешеләргә ярдәм итеп яшәде. Төбәктә татар милли көрәшен үстерүгә, аңа яшьләрне җәлеп итүдә әйтеп бетергесез зур эш башкарды. Сабантуйлар уздырганда да ул татар автономиясенең беренче булышчысы иде. Сүзебез Ульяновск шәһәреннән Россиянең спорт мастеры, бик күп сабантуйлар батыры Рамис Садиев хакында бара. Озак еллар буенча өлкәнең көрәш Федерациясен җитәкләгән батыр истәлегенә багышлап Ульяновскида унберенче Халыкара турнир узды. Сембернең танылган көрәшчесе Рамис Садиев һәм бәйгенең җиңүчеләре хакында Рамис Сафин репортажы.