Моннан 18 ел элек Ульяновск өлкәсендә яшәп иҗат итүче татар язучылары җирле милли-мәдәни автономия каршында үзләренең иҗат Берләшмәсен оештырган иделәр. Бүген кырыктан артык каләм иясе анда әгъза булып тора, шуларның берничәсе Татарстан язучылар берлегендә дә. Әлеге берләшмә китаплар чыгару, язучылар өчен форумнар уздыру, башлап язучылар өчен остаханәләр оештыру кебек эшләр белән шөгылләнә. Сембер язучыларының чираттагы утырышында каләм ияләре татарлар күпләп яши торган төбәкләрдә Татарстан язучылар берлегенең бүлекчәләрен ачу мәсьәләсен кабат күтәреп чыктылар. Казан язучылары катнашында узган чарадан Рамис Сафин репортажы.