Ул нәкъ Бөек ватан сугышы башланачак 1941 нче елда җиде балалы ишле гаиләдә икенче сабый булып дөняга килә. Шуңа күрә дә аның бала чагы да, үсмер еллары да иң авыр һәм катлаулы елларга туры килә.
“Шундый елларда туып та, исән калганыма кайчакта хәйран калам,” – ди ул. Сүзебез озак еллар Ульяновск өлкәсенең Чардаклы районы татар автономиясен җитәкләгән хезмәт ветераны, районның почетлы гражданины, төбәк тарихын өйрәнүче Җәмил Сафиулла улы Хәкимов турында бара.
