25 нче июньдә Саха (Якутия) Республикасында татарларның Сабан туе, якутларның Ысыах бәйрәмнәре узачак. Алар икесе дә охшаш. Язгы чәчүләрдән соң оештырыла, милли уеннар, ярышлар белән уза.
Бүген атарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыев бәйрәм чаралары узачак урыннарның әзерлеген карады. Мәйдан Сабан туе кунакларын кабул итәргә әзер.
Исегезгә төшерәбез, 23-25 нче июнь көннәрендә Якутиядә Татарстан көннәре узачак. Ул Саха (Якутия) Республикасының 100 еллыгына багышлана. Чараларда Татарстан Президентының да катнашуы көтелә. Якутиядә Сабан туе мондый зур күләмдә беренче тапкыр оештырыла.
