23-25 нче июнь көннәрендә Саха (Якутия) Республикасында Татарстан көннәре уза. Бүген тантаналы чараларда Татарстан Президенты Рөстәм Миңнеханов катнаша. Якутск шәһәрендә “Казан” скверы барлыкка киләчәк. Бүген аның нигез ташын салдылар.

Тантаналы чарада Татарстан Президенты Рөстәм Миңнеханов, Саха(Якутия) Республикасы Хөкүмәте рәисе Андрей Тарасенко, Якутск шәһәре башлыгы Евгений Григорьев, Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыев, шулай ук күпсанлы шәрәфле кунаклар катнашты.