Район мәдәният йортында “Биергә вакыт” исемле районкүләм бию конкурсы булып үтте. Районыбыз да бик күп талантлы, биергә яратучы үзешчәннәребез бар икән бит. Әйе, бию ул – ерак гасырлардан бүгенге көнгә кадәр килеп җиткән халкыбыз мирасы.

Биюләр аша, халкыбыз үзенең хис – тойгыларын,тормыш фәлсәфәсен, яшәешен күрсәткән. Әлеге конкурста да яшьләр башкарган заманча биюләр белән бал биюләре, халык биюләре дә күрсәтелде. Без Яңа Чишмә районы Чертуш авылы мәдәният йорты каршында эшләүче “Хатирә” фольклор төркемебез белән “Авыл көйләре” исемле бию башкарып, 2 нче урынга лаек булдык.

Рәмзия Мусина

Яңа Чишмә районы