Яңа Чишмә районында “Ак калфак” татар хатын – кызлар оешмасы исеменнән “Чиккән сөлгем – Сабантуй батырына бүләгем” бәйгесе игълан ителгән иде.
Бәйгегә нәтиҗә Сабантуй бәйрәмендә ясалды. Район авылларыннан 10 чиккән сөлге җыелды. Бу сөлгеләр белән Чаллы Башы “Тамчы” бию ансамбле “Сөлге чигәм” исемле музыкаль композиция күрсәтте. Бәйгедә беренче, икенче, өченче урынны алучыларга истәлекле бүләкләр тапшырылды, ә сөлгеләр Сабантуй батырларына бүләк ителде.
