Бүген 1 мартта 15.00 сәгатьтә Екатеринбург шәһәренең Ельцин үзәге конференцияләр залында «История ислама в России» дигән китап тәкъдим ителәчәк. Бу хакта «Урал татарлары» сайты хәбәр итә.
Тәкъдим итү кичәсен әлеге фәнни хезмәтнең авторы – мөфти Равил Гайнетдиннең беренче урынбасары, Мәскәү ислам институты ректоры Дамир хәзрәт Мөхетдинов үткәрә.
Бу – ислам өлкәсендәге әйдәп баручы эксперт белән якыннан аралашу өчен менә дигән мөмкинлек, ди чараны оештыручылар.
