“Татармультфильм” анимация студиясе Сабан туе турында музыкаль видеоролик чыгарды. Кыска мультфильмнарны YouTube та студия каналында карарга мөмкин.

“Интернет мәгълүмат тарату өчен иң нәтиҗәле ысул булганга, “Татармультфильм” онлайн режимда бәйрәм белән котларга теләде”, дип сөйләде “Татар-информ”га студия директоры Азат Ганиев.

“Без эчтәлекле, кыска музыкаль роликлар ясарга тырыштык, нәкъ шундый формат заманча зур аудиторияне җәлеп итү мөмкинлеге бирә. “Сабан to you” роликлары Россиядә генә түгел, бөтен дөньяда да сүзсез дә аңлашыла”, – диде “Татармультфильм” җитәкчесе.