enrutat
Баш бит / Тәтешлегә Хәния моңы кайтты
Тәтешлегә Хәния моңы кайтты

Тәтешлегә Хәния моңы кайтты

Район үзәгендә Татарстанның халык артисты Хәния Фәрхи исемендәге төбәкара җыр бәйгесе узды.

Бәйге Башкортстан Республикасы Башлыгы Рөстәм Хәмитов теләктәшлеге белән үткәрелә. Фестивальнең идея авторы — артистның бертуган сеңлесе Фирүзә Ибәтуллина.»Хәния апаны мәңгелеккә югалту кинәт булды. Барыбыз да шок хәлендә калдык, гаиләбез дә, әниебез дә, шулай ук аны яраткан тамашачы да. Суга төшкән кебек югалды бит ул. Тамашачылары апабызны бик сагынып, юксынып яши. Социаль челтәрләрдә, аның истәлегенә булдырылган төркемдә, Белоруссиядән Владимир дигән ир-ат көненә бишәр шигырь яза. Тугры, яраткан тамашачыларының сагыну, югалту ачысы, үзебезнең ярату белән бергә кушып уйланылган проект инде бу. Башта без аны болай гына уйлаган кебек булдык. Ул тормышка ашты, Аллага шөкер. Апа үзе дә изге күңелле, уңай кеше булгангамы икән, бөтен юллар ачык булды. Республика Башлыгы Рөстәм Хәмитовка мең рәхмәтлебез. Безгә фестивальне үткәрү өчен 90 мең сум грант бүлде. Шулай ук үзебезнең Тәтешле районы хакимияте башылыгы Рушан Гәрәевка мең рәхмәтләр ирештерәбез. Идеябезне бер сүздән күтәреп алды ул», — диде Фирүзә Ибәтуллина.Конкурс ике этапта узган. Беренчесе — читтән торып үткәрелгән. Катнашучылар 1 майга кадәр җырларын электрон рәвештә җибәргән. Барысы 200 гариза кабул ителгән.

Сайлап алу турында 56 башкаручы катнашкан.Катнашучыларның географиясе гаять киң: Башкортстанның күпчелек районнарыннан, Татарстанның Сарман, Ютазы районнарыннан, Түбән Кама, Казан, Яр Чаллы, Ханти-Мансийск, Чиләбе, Екатеринбург, Ижау шәһәрләреннән, Пермь, Ырынбур, Свердловск өлкәләреннән, Ямал-Ненец автономияле округыннан килүчеләр бар иде.Башкаручылар ике төркемдә һәм ике яшь категориясендә көч сынашты.Конкурс 20дән 35 яшькә, 35 һәм аннан өлкәнрәкләр категориясендә узды. Бәйге шартлары буенча, үзешчән һәм профессиональ башкаручыларны жюри аерым бәяләнде.

Бәйгедә катнашучылар Хәния Фәрхи репертуарыннан ике җыр башкарды.Конкурсантларны Башкортстан һәм Татарстанның халык артисты Фән Вәлиәхмәтов, Русиянең атказанган, Башкортстанның Татарстанның һәм халык артисты Идрис Газиев һәм Хәния Фәрхинең олы кызы Алия Гәрәева бәяләде.Жюри тарафыннан лаеклы дип табылган конкурсантлар «Җиңүгә омтылыш өчен», «Өмет», «Ышаныч», «Халыкчанлык», «Иң ихлас башкаручы», «Тәэсирле тавыш», «Хисле башкаручы», «Үзенчәлекле башкару», «Конкурс ачышы», «Иң яшь башкаручы» номинацияләрендә бүләкләнде.Беренче һәм икенче урыннар «профессионаллар» һәм «үзешчәннәр»гә бүленеп бирелде.

«Профессионаллар» төркемендә II дәрәҗә диплом белән Руфина Ямбелдина (Нефтекама), Светлана Шәехова ( Тәтешле), Рәвис Суфияров (Тәтешле) бүләкләнде.»Үзешчәннәр»дән икенче урынга Светлана Галиева (Балтач районы), Гөлфинә Илтимерова (Тәтешле) лаек булды.Беренче урынга «профессионаллар»дан Алия Шамукова (Нефтекама), «үзешчәннәр»дән Миләүшә Гыйлемханова (Уфа), Илнур Газизов (Туймазы), Илсөяр Зарипова (Яр Чаллы) лаек дип табылды.Бәйгенең төп бүләге — Гран-прига Тәтешле кызы, Татарстан Дәүләт җыр һәм бию ансамбле солисты Нәфисә Назарова лаек булды.

http://kiziltan.ru

Фикер калдырырга

Обязательные поля отмечены *

*