Исегезгә төшереп үтәбез, 26 мартта Татарстан Премьер-министры урынбасары, Милли Шура рәисе Васил Шәйхразиев Самар, Оренбург, Пенза, Саратов, Ульяновск өлкәләре һәм Мордовия Республикасы татарлары белән очрашу уздырып, “Татар халкының үсеш стратегиясе” эскизы белән таныштырды. Чара Самарның “Металлурглар” мәдәният сараенда узды.
Моңа кадәр башка төбәкләрдән килгән кунаклар өчен Самарның Җәмигъ мәчете һәм «Яктылык» татар мәктәбе буйлап экскурсияләр оештырылган иде. Мәктәп укучылары шулай ук сугыш турында сәхнә күренеше дә тәкъдим иттеләр. Талантлы яшь артистларның чыгышлары бер генә тамашачыны да битараф калдырмады.
