Мәгълум булганча, элекке СССРда иң беренче татар иҗтимагый оешмасы 1988 нче елда Ульяновск өлкәсендә теркәлә, соңрак татар милли мәдәни автономиясе дә нәкъ менә әлеге төбәктә оеша. Шушы көннәрдә генә семберлеләр бу иҗтимагый хәрәкәтләр башында торган ике шәхес-журналист Айрат ага Ибраһимовны һәм профессор Азат ага Курчаковны искә алу мәҗлесен уздырдылар. Аларның туганнары, бала-оныклары катнашында матур хатирәләр белән үткән кичә һәм борынгы Сембердә милли хәрәкәткә нигез салучылар хакында Рамис Сафин бәян итә.