Ул балачактан ук театр артисты булырга хыялланса да, язмыш аңа гомеренең 31 елын балалар бакчасында тәрбияче булып эшләргә язган була. Сүзебез озак еллар республикабызның Буа татар дәүләт драма театрында эшләп лаеклы ялга чыккан, бик күп тамашачыларның яраткан артисты Әминә ханым Шәрәфетдинова турында бара. Шушы көннәрдә генә юбилейлы туган көнен билгеләп узган кызыклы шәхес янында безнең хәбәрчебез Рамис Сафин булып кайтты.