Хәзер балалар өчен татар телендә сөйләүче беренче милли радио бар. Татарстанда җәй башыннан “Саф” дип аталучы шундый музыкаль мәйданчык барлыкка килде. Хәзер туган телдә бишек җырларын, татар композиторлары иҗат иткән классик музыканы, шигырь-әкиятләрне интернет аша радиодан тыңларга була. Ул тәүлек дәвамында эшли. Радионы оештыручылар шул рәвешле милли мәдәнияткә, әдәбият, гореф-гадәтләребезгә кызыксыну уятырга җыена. Яңа радиога замана белән бергә атларга кемнәр ярдәм итә?