25 август сәгать 10да Муса Җәлилнең Казандагы музей-фатирында, шагыйрьнең һәлак булуына 70 ел тулуга багышлап, искә алу чарасы була.

Аерым алганда, шагыйрьнең нәсел-нәсәбе белән очрашу оештырыла: алар татар каһарманы хакындагы истәлекләре белән уртаклашып, хәтер яңартачак. Искә алу чарасында шулай ук Габдулла Тукай исемендәге IV Бөтенроссия сәнгатьле укучылар конкурсы җиңүчеләре катнашыр дип көтелә. Быел ул конкурс Муса Җәлилнең иҗади мирасына багышланган.

Әлеге чара ТР Театр эшлеклеләре берлеге һәм Муса Җәлил музей-фатиры хезмәткәрләре тарафыннан оештырыла.

Сәгать 12дә исә Казан кремле янындагы мәһабәт шагыйрь-каһарман һәйкәленә чәчәкләр салыначак.

“Татар-информ” МА