60 ел элек Татарстанның Г.Тукай исемендәге Дәүләт премиясе булдырыла (1958). Бу премия идея эчтәлеге һәм сыйфаты буенча аеруча әһәмиятле булган әдәбият, сәнгать әсәрләренә бирелә.
Тукай премиясе 1958 елның 8 апрелендә ТАССР Министрлар Советы һәм КПСС Татар өлкә комитеты карары нигезендә гамәлгә кертелде.
Бүгенгесе көндә премияне тапшыру мәсьәләсен Татарстан Республикасы Президенты карамагындагы Татарстан Республикасы Габдулла Тукай исемендәге Дәүләт премиясе буенча Комиссиясе хәл итә.
