Бүген Алабугада Мәктәп укытучыларының XII Халыкара фестивале старт алды. Ул 17 августка кадәр Казан федераль университетының Алабуга институтында узачак. Өч көн дәвамында укытучылар тәҗрибә уртаклашачак.
Фестивальне ачу тантанасы шәһәр Мәдәният сараенда узды. Татарстан Республикасы Премьер-министры урынбасары Ләйлә Фазлыева «Мәктәпкә җыенырга ярдәм ит» акциясендә катнашты.
Фестивальдә Россия һәм чит илләрдән 1600ләп укытучы, галим һәм белгеч, 100дән артык модератор һәм спикер катнаша.
Өч көн дәвамында лекцияләр, мастер-класслар, дискуссия панельләре, түгәрәк өстәлләр һәм башка чаралар узачак.
