Апас Үзәк китапханәсендә язучы, шагыйрә Гөлнур Айзатның «Саф чишмә» исемле яңа китабын тәкъдим итү кичәсе узды.
Очрашуда Апас район башлыгының милли мәсьәләләр һәм мәдәният эшләре буенча урынбасары Рөстәм Мингазиев, Апас туган якны өйрәнү музее директоры Рәмис Ногманов шагыйрәнең иҗатына зур бәя бирделәр.
Гөлнур ханым үзе дә әсәрләренең язылу тарихы турында сөйләп, җырларын башкарды. Кабат очрашулар оештырылуын теләп, шагыйрәнең гимнына әйләнгән «Яшәү яме» җырын бөтен зал бергә җырлады.
Гөлчәчәк Ахманова
