Бүген татар сәнгать әһелләре составындагы Татарстан делегациясе Чакмагыш авылында тукталды. Биредә Чакмагыш һәм Кушнарен районнары татар җәмәгатьчелеге вәкилләре белән очрашу узды.

Делегацияне җитәкләгән Бөтендөнья татар конгрессы Башкарма комитеты җитәкчесенең Россия Федерациясе төбәкләрендәге татар иҗтимагый берләшмәләре белән эшләү буенча урынбасары Марс Тукаев милләттәшләребезне Татарстан Премьер-министры урынбасары, Милли Шура рәисе Васил Шәйхразыев исеменнән сәламләде һәм милләткә хезмәт итүдә аеруча актив катнашкан милләттәшләребезгә Бөтендөнья татар конгрессы бүләкләре тапшырды.