Баулы шәһәренең 7 нче санлы балалар бакчасында “Серле сандык” дип исемләнгән милли дәрес узды. Сабыйларга татар халкы милли киемнәрен, кул эшләнмәләрен, борынгы бизәнү әйберләрен күрсәттеләр. Балалар борынгы җырлар, мөнәҗәтләр белән танышты, милли уеннар уйнады. Биюле, җырлы бу дәрес аларга бик ошады. Милли киемнәр киенеп килгән апаларны балалар кочаклап, яратып озатып калдылар!