Пенза өлкәсендә Бөтенроссия авыл Сабантуеның финалы бик мавыктыргыч булды. Бәйрәм ат спорты һәм көрәш буенча ярышлар белән тәмамланды.

Ат спорты ярышларында 10 төбәктән атта йөрү осталары катнашты, ә көрәш буенча турнир Россия Федерациясенең 25 субъектыннан 130 иң яхшы көрәшчене җыйды. Ат ярышларында Чувашиядән Николай Пыркин иң яхшысы булды, көрәшчеләр арасында Татарстан батыры Раил Нургалиевка тиңнәр табылмады. Җиңүчеләр автомобиль белән бүләкләнделәр.

XVI Бөтенроссия авыл Сабантуе 55 мең кунакны берләштерде. Бәйрәм тәмам, әмма ул биредә булганнарның йөрәкләрендә озак яшәячәк. Ә Кече Труев (Дәхтәрни) авылында искиткеч фестиваль аланы калды. Биредә масштаблы яңа чаралар уздыру өчен аны киләчәктә комплекслы үстерергә җыеналар.