Бүген Мөслим районында Бөтенроссия авыл Сабан туе уза. Бәйрәм кунаклары игътибарына күп төрле күргәзмәләр, сату мәйданчыклары һ.б. әзерләнде.

Биредә быел беренче тапкыр “Татар базары” оештырылды. Махсус сату нокталарында  Сабан туе кунакларына бал, кумыс, каклаган каз, казылык, үлән чәйләре, милли бизәкләр төшерелгән кием-салым, бизәнү әйберләре һ.б. тәкъдим ителә.

“Татар базары”  Бөтендөнья Татар конгрессы, БТКның  татар эшмәкәрләренә булышлык итү Бөтендөнья ассоциациясе ярдәме белән оешырылды.