«ССС» командасына керүче Яр Чаллы велоузышчысы Илнур Закарин ярышларга кайтырга әзерләнә. Җыеннар Италиянең Ливиньо шәһәрендә уза.
Чаллы спортчысы «Тур де Франс» һәм «Вуэльте Испания» ярышларында чыгыш ясаячак.
«Без быел һәр ярыш көне өчен рәхмәтле булырга тиеш, шуңа күрә мин һәр көнне мөмкинлектән файдаланачакмын һәм яхшы нәтиҗәләргә ирешермен дип өметләнәм», – диде Чаллы спортчысы команда сайты өчен биргән интервьюсында.
Илнур Закарин «Тур де Франс» командасы лидеры булып тора, ул генераль классификация һәм тау этаплары өчен көрәшәчәк.
