Чистайның Ислам үзәгендә шәhәр мөhтәсибе Мөхәммәт хәзрәт Кыямов Бөтендөнья татар конгрессының җирле оешмасы җитәкчесе Фәрит Галимов белән Чистай “Ак калфак”лар иҗтимагый оешмасының активы белән очрашты. Очрашуда Бөтендөнья татар хатын-кызлары җыены резолюциясе буенча алдагы эшчәнлекнең төп юнәлешләре билгеләнде. Гамәлгә район өчен беренче тапкыр “Туган тел” фестивале, “Татар кызчыгы, Татар малае-2021” бәйгеләрен кертү буенча фикер алышу булды.

Очрашуда районның мәдәният хезмәткәрләре, китапханәчеләр, укытучылар, Татар театры үзешчәннәре, мәчетләрдә белем алучы мөслимәләр катнашты. Күчмә утырышларның тематикасы билгеләнде.