Бүген Бөтендөнья татар конгрессы Башкарма комитеты җитәкчесе Данис Шакиров эш сәфәре белән Омск өлкәсенә килде.

Биредә ул Большеречье районы башлыгы Василий Майстепанов белән эшлекле очрашуда булды. Киңәшмә 26 нчы август көнне “Татар утары”н ачу мәсьәләләренә багышланган иде. Чарада “Ак калфак” татар хатын-кызлары республика иҗтимагый оешмасы җитәкчесе Кадрия Идрисова да катнашты.

Киңәшмәдән соң алар Большеречьедә яшәүче милләттәшләребез белән дә аралаштылар.