Бөтендөнья татар конгрессы Башкарма комитеты җитәкчесе Данис Фәнис улы Шакиров эшлекле сәфәр белән Ростов өлкәсендә. Бүген ул Ростов-на-Дону шәһәрендәге Җәмигъ мәчетендә Гает намазында катнашты. Данис Шакиров бирегә җыелган дин кардәшләрне Татарстан Премьер-министры урынбасары, Милли Шура рәисе Васил Габделгаяз улы Шәйхразыев исеменнән сәламләде, Ураза Гаете бәйрәме белән котлады.

Исегезгә төшерәбез, Башкарма комитет җитәкчесе Ростов өлкәсендә эш сәфәрендә. Кичә ул  II нче Көньяк Сабантуен оештыру комитеты утырышында катнашты. Бүген Ростов-на-Дону шәһәренә Татарстан Президенты Рөстәм Миңнеханов эш сәфәре белән килә. Ул биредә гомер итүче татарлар белән дә очрашачак. Данис Шакиров әлеге чарада катнаша.