20 апрельдә 14.00 сәгатьтә Екатеринбургның «Орджоникидзевский» Мәдәният үзәгендә татар халкының бөек шагыйре Габдулла Тукайның туган көненә багышланган иҗади программа була. Бу хакта Татарстанның Свердловск өлкәсендәге Даими вәкиллеге матбугат хезмәте хәбәр итә.
Укуларда «Йолдыз» татар-башкорт мәдәнияте ансамбле халык коллективы, «Яндар Памаш» фольклор-хореография ансамбле халык коллективы, «Ландыш» ветераннар халык хоры катнаша.
Шагыйрьнең туган көне хөрмәтенә сәхнәдә татар һәм рус телләрендә Тукай шигырьләре, аның сүзләренә язылган җырлар яңгыраячак.
